“Halkara parahatçylyk we ynanyşmak” ýylynda Türkmenistanyň Bitaraplygynyň 30 ýyllygy mynasybetli Türkmenistanyň Bilim ministrliginiň, Türkmenistanyň Saglygy goraýyş we derman senagaty ministrliginiň, Türkmenistanyň Kärdeşler arkalaşyklarynyň Milli merkeziniň, Türkmenistanyň Zenanlar birleşiginiň Merkezi Geňeşiniň, Türkmenistanyň Magtymguly adyndaky Ýaşlar guramasynyň Merkezi Geňeşiniň we Indira Gandi adyndaky Aşgabat lukmançylyk orta okuw mekdebiniň bilelikde gurnamagynda Arkadag, Aşgabat şäheriniň we Ahal welaýatynyň orta hünär okuw mekdepleriniň talyplarynyň arasynda “Milliligim-buýsanjym, başlara göwher täjim” atly “Talyp gözeli - 2025” edebi-döredijilik bäsleşigi geçirildi.

2025-nji ýylyň 26-njy fewralynda Halkara zenanlar gününe bagyşlanyp “Talyp gözeli - 2025” atly talyplaryň arasynda geçirilen bäsleşigiň ähli şertlerine laýyklykda, ýagny mähriban enelerimize, gyz-gelinlerimize hormat goýmagyň ajaýyp nusgasyny görkezmekde, gyzlarymyzyň milletimize mahsus bolan asyllylygyny, buýsanjyny, el hünärlerini we milli lybas geýinmek sungatyny äşgär etmekde, talyp gyzlaryň çeperçilik ukyp-başarnyklaryny ýüze çykarmakda öz zehinini açyp görkezmegi başaran Aşgabat şäherindäki syýahatçylyk orta hünär okuw mekdebiniň 1-nji ýyl talyby Döwletgeldiýewa Hurma baýrakly 3-nji orny eýeläp, Hormat haty we gymmat bahaly sowgat bilen sylaglandy.